KANGIATA ILLORSUA

Atuartut atuagaanni Book Creatorimi ”Qaamaneq takkuteqqippoq”-mi quppernermiit quppernermut ilitsersuut

Atuartut Kangiata Illorsuata assingi marluk takussavaat, aasakkut ukiukkullu.

Klassemi oqaluuserisinnaavarsi:

• Kangiata Illorsua suunersoq.
• Kangiata Illorsuata eqqaa qanoq isikkoqarpa.
• Aasap ukiullu assigiinngissusaat.
• Najugassinni aasap ukiullu qanoq assigiinngitsigippat.

Nunap assinga oqaluuserisiuk, aamma Ilulissani inuit qassit najugaqarpat, qassillu illoqarfinni nunaqarfinniluunniit najugaqarpat?

Atuartut nunap assinga Ilulissat isiginnaassavaat. Tikkuuteqarpoq, tassani Seqinniarfik sumiinnersoq takuneqarsinnaavoq. Titarneq aappaluttumi Kangiata Illorsuaniit Seqinniarfimmut aqqut takuneqarsinnaavoq.

Klassemi oqaluuserisinnaavarsi:

• Seqinniarfik Kangiata Illorsuaniit qanoq ungasitsigiva.
• Soormitaava qattunermiit seqernup takkuteqqinnera alakkarneqartarpa.
• Kangiata Illorsuata qaavaniit Seqinniarfiup tungaanut atuartut misigitikkit (Assit qupperneq 4-7-miittut atorneqarsinnaapput).

Atuartut Nunarsuup assingata ilaa takussavaat.

Atuartut tikkuut aappaluttoq atorlugu sumi najugaqarnerlutik takutissavaat.

Tikkuut karsimi qaqortumiippoq nunallu assingatigoortinneqassaaq.

Klassemi oqaluuserisinnaavarsi:

• Illoqarfissi nunaqarfissiluunniit Ilulissanut naleqqiullugu assigiinngissusaat assigiissusaallu.

Maanna atuartut podcasti Qaamaneq takkuteqqippoq tusarnaassavaat. Qupperneq 14-imi asseq toorlugu podcasti nassaarisinnaavat.

Atuartut marlukkaarnissaat eqimattaaqqatulluunniit sulinissaat innersuussutigineqarpoq.

Atuartut Walk and Talkertikkit podcasti oqaluuseriutigalugu.

Qupperneq 15-imi podcastimi suna pingaartutut ilanngutissanerlugu atuartut oqaluuserissavaat. Oqalulluni pullartaasannguani allataq, assit nipimilluunniit immiussat toqqarsinnaavaat. 

Nipimik immiussineq

Book Creator App-imi imannak nipimik immiussisoqartarpoq:

1. + tooruk
2. Add Sound toqqaruk
3. Toortagaq aappaluttoq tooruk
4. Immiussineq naammassippat toortagaq aappaluttoq tooqqiguk
5. Yes tooruk

Book Creator web-imi imannak nipimik immiussisoqartarpoq:

1. + tooruk
2. Optag toqqaruk
3. Start optagelse tooruk
4. Immiussineq naammassippat stop optagelse tooruk
5. brug optagelse tooruk

Maanna immiussaq nipip ilisarnaataatut takuneqarsinnaavoq. Ilisarnaat kissaatigisamut ilineqarsinnaavoq. Immiussaq tusarnaaqattaarneqarsinnaavoq.

Klassit katersuunnerat

Qupperneq 14-15 suliaralugu naammassippat, klassi ataatsimoorluni oqaloqatigiinnissaa innersuussutigineqarpoq. Allattarfissuarmi taaguutit oqaatsillu pingaaruteqartut allannissaat titartarlugilluunniit innersuussutigaarput.

Klassemi oqaluuserineqarsinnaaput:

• Atuartut podcastimut tusarnaarnerminni suna tupaallaatigivaat.
• Taaguutit oqaatsillu pingaarutillit atuartut podcastimi nalaataat.

Ataatungaani oqaloqatigiinnissamut isumassarsiorsinnaavutit.

• Januar – 13. januar

Ulloq taanna qaamaneq Ilulissanut uteqqittarpoq. Ukiumi ulloq pingaarnersaavoq. Lisap, pinngortitaq angalaarnissarlu qilanaaralugit, oqaluttuarpoq. Atuarfinni atuartut seqiniliussapput igalaanullu nivinngarlugit. Novembarip 29-aniit januaarip 13-anut seqineqarneq ajorpoq. Pisinnaasut piumasullu tamarmik Seqinniarfimmi seqinniartarput. Taamaaseriarlutik erinarsortarput, kaagisorlutik kaffisorlutillu. Ulloq 13. januar kalaallinut Ilulissaniittunut pingaaruteqartorujuuvoq.

Sooruna ulloq 13. januar qaamaneq Ilulissanut takkuteqqittartoq?

Ullut suut ilinnut pingaaruteqarpat?

• Juulli Poorskilu – Kristumiut ullui nalliuttut marluk Lisap taasai.

Ulloq januaarip 13-iat kalaallinut iluliarmiunut pingaaruteqaraluartoq, kristumiutut ullut nalliuttut aamma pingaarutqartorujuupput.

Ullut nalliuttut allat aamma nalunngiligit?

Upperisanit allaniit kristumiuunngitsuniit ullut nalliuttut allat nalunngiligit? 

• Ileqqut – kikkut tamarmik pisinnaasut piumasullu Seqinniarfiliartarput seqinerlu tikilluaqqullugu erinarsortarlutik. Ulloq januaarip 13-iat, kalaallinut Ilulissaniittunut, ulloq immikkuullarissuuvoq pingaaruteqarlunilu, tassami seqernup tikilluaqqunera ileqquuvoq. Taava erinarsortarput, kaffisorlutik kaagittorlutillu. Erinarsugaat ateqarpoq: ”Seqernup qungujulluni nunarput nuilaaraa”. Maanna ullunut qaamasunut kissartunullu qilanaarsinnaalerput.

Ileqqoq sunaava, ileqqut allat suut nalunngiligit?

Ileqqunik allanik pinngortitamik nalliussisunik nalunngisaqarpit?

• Seqineq – seqineqarfitsinni ulloriaq. Taannaqanngippat, inuuneq maannakkutut nalunngisarputut issanngikkaluarpoq.

Ilulissani atuartut pappilissamik seqiniliussapput, klassiminnut nivinngagassaminnik, ulloq januaarip 13-iani seqernup takkuteqqinnera nalliuttorsiutiginiarlugu.

Seqineqanngikkaluarpat, nunarsuaq qanoq isikkoqassagaluarpa? Maani seqineqanngitsumi inuusinnaassagaluarpugut?

Qaqugumulluunniit seqernup qamissinnaanera ilimagaajuk?

• Seqineq kaaviinnartoq – pinngortitami pisoq qaasuitsup killeqarfiata avannaani nassaassaavoq, tassani sapaatit akunnerini arlalinni seqineq tarrinneq ajorpoq.

Lisa oqaluttuarpoq, nalunaaqutaq malinneqarneq ajortoq, perlilileruit nerissaatit, qasuguillu innassaatit. Tassa pinngortitaq malillugu inuuneq.

Ulluinnarni nalunaaqutaq malinngikkukku, sussagaluarpit?

Maanna ulluinnarnut qanoq naleqquppa?

Maanna atuartut podcasti pillugu ilisimasaminnik suliaqassapput. Suliamut tunngasunik taaguutit allattarfissuarmi allannerini atuartut ikiukkit. Atuartut nipinik, assinik allatanillu suliaqarsinnaapput.

Assinik ikkussineq

Book Creator webimi imannak assinik ikkussisarput:

1. Sinaakkutaa tooruk
2. billeder toqqaruk
3. Assilissanik atugassarnik ujarlerit, imaluunniit assiliaateqaruit nammineq titartarsimasarnik ikkunniakkannik ”overfør fra computer” toqqaruk.
4. Asseq kissaatigisaq tooruk
5. tilføj tooruk

Book Creator app-imi imannak assimik ikkussisarput: 

1. Sinaakkutaa tooruk
2.  + tooruk
3. Kamera toqqaruk
4. Titartakkat assiliuk
5. brug billede toqqaruk

Atuartut aamma titartaasinnaapput quppernernullu ikkullugit. Qulaanitut nassiuakkatut assit ikkutikkit.

Allattaavik ingerlaneq tamaat pisariaqartitaq malillugu alakkaqqinneqarsinnaavoq.

Maanna atuartut qaamaneq pillugu suliaqassapput. Qupperneq 18-imi kaperlaap qaamanerullu takkuteqqinnerata assigiinngissutaat naatsunnguamik allaaserineqarpoq; aamma naatsunnguamik qaamaneq suunersoq allaqqavoq. Uani ilisimasaqarnerulerit. Qupperneq 19-imi asseqarpoq sisamanik, seqernup kaaviinnarfia, arsarnerit, qilak unnuakkut kaperlallu. Atuartunut allataq atuartiguk sanilitillu oqaloqatigiitikkit taanna assillu pillugit.

Qupperneq 20-mi nittartakkat tallimat ikkunneqarsimapput, seqinermut, qaammammut, ullorissanut, seqernup kaaviinnarfianut, arsarnernut kaperlammullu tunngapput.

Atuartunut nittartakkat takutikkit videolu isiginnaartillugu. Taassuma kingorna apeqqutit qupperneq 21-miittut akineqassapput. Boksimi oqaatsit eqqaamassutit allassinnaavaat, imatut ateqarpoq ”uani oqaatsit eqqaamassutit allakkit”.

Qupperneq 18-21 pillugu klassip katersuunnissaa innersuutigaarput. Ingerlariaaseq taanna taaguutinut atuartut ilisimasanik nassaarnissaat kiisalu nutaanik taaguutinut ilisimasaqalernissaat periarfissiissutigineqarpoq.

Maanna atuartut seqinermut nunarsuup ingerlavia pillugu suliaqassapput. Sooq qaasuitsup killeqarfiani ukiukkut kaperlattarnersoq aasakkullu seqernup kaaviinnartarnerata paasineqarnissaa anguniarneqarpoq.

Qupperneq 23-mi Youtubemi video pillugu qupperneq 22-mi ilisaritsisinermik naatsumik allataqarpoq. Atuartunut allataq atuarteqqaaruk, taava video Youtubemiittoq takutillugu.

Oqalulluni pullartani qernertuni marlunnik, klassimi oqaluuserisinnasassinnik apeqquteqarpoq.

Apeqqutinut amerlanernut aajuku siunnersuutit:

• Nunarsuup seqineq kaavikkaa, nalunnginneqartuaannarnikuua?
• Nunarsupp uiganerata qanoq uku sunnertarpai?
  • Ullup unnuallu assigiinngissusaat?
  • Ukiup kaajallakkiartornera?

Uani seqineqarfik ilisimaneruleruk.

Maanna atuartut Kangiata Illorsuata qaavani naapillutik takorluussavaat. Ulloq 13. januariuvoq, Seqinniarfimmukarlutillu seqernup killigusaami nuinera nalliuttorsiutigissavaat.

Suliat assigiinngitsut marluk toqqarsinnavaat.

1. Oqalugiaat tikilluaqqussut imaluunniit erinarsuut nersorinnissut nipilersuutitalerlugu sanassavaat. Arlaalluunniit toqqarneqaraluarpat, suliaat qaamanermut nersorinninnermut Seqinniarfimmi atorneqassaaq.
2. Qupperneq 26-29-mi isumassarsiorsinnaapput, tassaniipput podcastimiit erinarsuut kalaallisut qallunaatullu lydfiilitullu. Qupperneq 27-mi lydfiili Seqineq toorlugu appisimaarneqarsinnaavoq.

Kalaallisuujusinnaavoq, qallunaatut tuluttulluunniit.

Oqalugiaammi tikilluaqqussumminni imaluunniit erinarsuummi nersorinnissumminni tulliuttut iserfigisinnaavaat:

• Sooruna ulloq 13. januarimi qaamaneq takkuteqqittartoq? Nunarsuup imminut kaavinnera Seqinermullu kaavinnera qanoq imminnut atappat?
• Seqernup kaaviinnarnera kaperlallu suuppat?
• Kaperlatsillugu, qaamanerit suut pinngortitameersut qaammartitsisarpat?

Quppernerit 24-25-lu allanngortinneqarsinnaapput, atuartut suliaminnut toqqakkaminnut naleqqussarlugu. Aamma pisariaqartitaq malillugu quppernerit ilaneqarsinnaapput.

Suliaat nipitut immiussatut immiunneqassaaq, Book Creatorimullu ikkunneqassalluni. Titartakkanik assinik allanilluunniit ilasinnaavaat.

Quppernerni ukunani atuartut nersorinnilluni erinarsuutip allannera podcastimi erinarsorneqartoq nassaarisinnaavaat. Kalaallisuujuvoq, qallunaatuujuvoq lydfiilitullu nassaassaalluni. Qupperneq 27-mi lydfiili Seqineq toorlugu appisimaarneqarsinnaavoq. Allannera tikilluaqqusilluni oqalugiaasiornermut imaluunniit nersorinnilluni erinarsuusiornermut isumassarsiorfittut atorsinnaavaat.

Podcasti Qaamaneq takkuteqqippoq Katrine Nyholmimit Kangiata Illorsuanut ineriartortitaavoq. Taasungalu ilusilersukkat Oncotypemit ineriartortitaapput.

Podcastimi Qaamaneq takkuteqqippoq ilinniatitsinermi atortussat Lotte Brinkmannimit aamma Daniella Maria Manuelimit ineriartortitaapput, Anholt Læringsværksted Leg med IT suleqatigalugu.

Atuartut atuagaat Book Creator suliniummik Nutaaliorta Kivitsisameersunit ineriartortitaavoq. Qiortakkat Rikke Falkenberg Kofoedimit aamma Daniella Maria Manuelimit, Leg med IT-minngaaniit ineriartortitaapput.

Ilinniartitsinermi atortussaq Qaamaneq takkuteqqippoq Creative Commons kreditering-licens CC:BY-mit saqqummersitaavoq.

Atortussat allannertaat, suliassartaat assiliartaallu agguarneqarsinnaapput, saqqummerseqqinneqarsinnaapput suliareqqinneqarsinnaallutillu, taamaallaat suminngaanneernersut nalunaarutigalugit tassalu ‘Qaamaneq takkuteqqippoq by Isfjordscenteret Ilulissat’.