Asasavut angalanissamik aaqqissuussisartut suliffeqarfiillu sullitavut allat
Ilulissani Kangiata Illorsua – Isfjordcentret i Ilulissat -The Icefjord Centre julimi 2021-mi ammarneqarpoq.
Ukioq 2023 tassaavoq Coronap kinguneranik killilersugaanani ukioq ingerlatsineq siulleq.
Ukiumi 2022-mi suliffeqarfiit sullitatta pitsaanerpaamik sullinnissaannut misileraanermut ilikkagaqaataasunillu katersuinissamut piffissaqarsimavugut.
Nittartakkatsinni www.isfjordscentret.gl apeqqutit amerlanersaat akissutissarsisinnaavatit, kisianni matumani Kangiata Illorsuanit SULIFFEQARFINNUT SULLITATSINNUT immikkut naalisagaq takuneqarsinnaavoq.
Suliffeqarfittut sullitatut ukiumi matumani tikeraartinnut inniminniisarfipput atorlugu billetsisisinnaavutit.
Tikeraarnissaq qaammat ataaseq sioqqullugu attavigisinnaavatsigut billetsillu tamaasa imaluunniit ataasiakkaat utertillugit kiisalu akia tamaat utertinneqarsinnaalluni.
Pilersaarusiornersi allannguuteqarpat attaveqarfigineqarnissatsinnut tikilluaqquassi, taava misissorsinnaavarput pulaarnissarsi allanngortissinnaanerlugu. Oqarasuaat: +299 555588 aamma karl@ifc.gl
Faktura atorlugu akiliinissaq kissaatigineqarpat taava allaffissornermut akiliut 500 kr.-nit ilanngunneqassapput.
Faktura atorlugu billetsinik inniminniineq unnga saaffiginnilluni karl@ifc.gl pisinnaavoq.
EQIMAATTAT 120-IT SINNERLUGUT ILAASULLIT KIISALU ULLUP INGERLANERANI PIFFISSANUT ARLALINNUT BILLETSISISIMASUNUT
Tikeraartut pitsaanerpaamik misigisaqarnissaat anguniarlugu ikuallattoornissamullu sillimaniarneq eqqarsaatigalugu pulaarnermi ataatsimi lllorsuaq amerlanerpaamik inunnik 120-nik pulaartoqarsinnaavoq. Billetsit akunneq marluk aappa avillugu Illorsuarmut pulaarnissamut tuniniarneqartarput.
Billetsit soorlu umiarsuarnit takornariartaatinik pisiarineqarsimasut piffissap ataatsip, marluk imaluunniit arlallit iluanni atorneqarsinnaapput.
Avatangiisit illersorneqarnissaat anguniarlugu billitsit pappiaranngorlugit aniseqqusaanngillat.
Ilaasut/tikeraat kinaassutsimik uppernarsaammik erseqqissumik, atisanik ingerlatseqatigiiffiup ilisarnaatillinnik peqartariaqarput imaluunniit angallassisartumik ilaqarsinnaapput.
Angallassisartunut ukioq ilivitsoq isissutaasinnaasumik tuniniaasarpugut. Ukiumut ilivitsumut isissut isernermut billitsip ataatsip naleqatigaa.
AMMASARFIIT SANIATIGUT AMMASARFIIT
Ammasarfiit nalunaarutigineqarsimasut avataanni Kangiata Illorsuanut pularnissamut una aqqutigalu apeqquteqartoqarsinnaavoq karl@ifc.gl
