"SERMEQ PILLUGU OQALUTTUAQ"
QANIGISAMI PISSUTSINIK ILISIMANNITTUT ILISIMATUULLU ILISIMASAT TAPERTARIISSILLUGIT ILINNIARTITSINERMI NAAPINNERAT
Atuartut nukarlernit ilinniarnertuunngornianut ilinniartitsisunullu kalaallisut, tuluttut qallunaatullu oqaasilinnut ilinniagassanik neqeroorutit.
Kalaallit Nunaanni inuuneq pinngortitarlu pillugit faginut tamanut sammisat ilinniartitsisumut ilitsersuutitallit suliassartallillu.
Digitalimik ilinniartitsinermi Kangiatalu Illorsuanut pulaarnermi atortussat uani quppernermi pissarsiarineqarsinnaapput.
Ilinniartitsissutit tamarmik Kangiata Illorsuani paasissutissanik saqqummersitsinermut atatillugu ilisimatusarnermi paasissutissat tunngavigalugit ineriartortinneqarsimapput.
Kangiata Illorsuata piginnittussaatitaanera ilisimatitsissutigineqassaaq ©
Takutitsivik ataavartoq “Sermeq pillugu oqaluttuaq” Ilulissani pinngortitaq kulturikkullu oqaluttuarisaaneq immikkuullarissoq pillugu oqaluttuaavoq, kiisalu silap allanngoriartornerata Ilulissat eqqaani ersarissumik malunniutaat.
Sermip aliguata nuissaniittup pinngornera pillugu oqaluttuaavoq, taanna sermersuarmut nakkartarpoq, naqinneqariartuaarlunilu taamaasilluni sermeq iigartartunngortarpoq, taavalu katakkaangami iluliannguuttarluni, taamaaseriarluni iminngorluni, taavalu aalanngoriarluni nuissanut uteqqittarluni.
Atuarfimmut sullissineq KANGIATA ILLORSUATA anguniagaraa, atuartut pinngortitap imminut qanoq ataqatigiinnera ilisimasaqarfigilerlugulu paasisaqarfigissagaat, kulturillu issittumut naleqqussarsimasut, soorlulu piniartut aalisartullu piginnaasaat pillugit paasissutissat ingerlateqqissagaat, ullumilu soorlu suli taamaattoq, sermip ingerlaarnera silallu allanngoriartornerata pingaassusaa.
atuartitseriaaseq
Atuartitsinermi atortussaatitta tunngavigivaat, atuartut ilisimasaqalernissaat piginnaasaqalernissaallu, taamaasillutik inuiaqatigiinnut allanngorartuartumut peqataaqataasinnaalersillugit.
Tunngaviusumik ilisimasanut tunngavoq, atuarfimmi sammisanut atalluni, sammisallu akimorlugit ilisimasaalluni; pinngortitsisinnaaneq nutaaliornerlu, ajornartorsiutinik aaqqiisinnaaneq isornartorsiortumillu eqqarsarsinnaaneq uani pineqarput, kiisalu attaveqatigiinnermi suleqatigiinnermilu piginnaasaqalernissaq. Kiisalu inuttut ilisimasaqalernissaq pillugu, taassumalu ilagivaa inuunermi sulinermilu ajornakusoorfiusumi inuiaqatigiinni naleqartitat atuuttut naapertorlugit eqqortumik iliornissaq, aammalu nammineq allallu kulturiannut paasinninnissaq.
Ullumikkut atuartut ilinniarniaraangamik qarasaasiakkut najuunnikkullu ilinniartarput. Kinguaariit inuusuttut akornanni ineriartornermi qarasaasiaq najuunnerlu immikkoortissinnaajunnaariartorpaat. Taakku marlunngortillugit taaneqartarput hybride rum. Ilinniartitsissutini sinaakutaasut akuleriittut ingerlanneqarput, najuunnikkut ingerlanneqarlutik ilaatigullu qarasaasiakkoorlutik.
Atortussani pingaartinneqarpoq atuartut misissuisuunissaat, misiligaanissaat, pilersuinissaat pilersitsinissaat ilinniariaatsinillu ingerlatitseqqinnissaat.
KANGIATA ILLORSUANI PULAARNERUP NALAANI ILINNIARTITSINISSAMIK INNIMINNIIGIT
Kangiata Illorsuani atuartut minnerit ilinniarnertunngorniallu ilanngullugit saqqummersitsineq „Sermeq pillugu oqaluttuaq“ neqeroorutigaarput.
Kangiata Illorsua suliffeqarfittut- ilisimatusanik katersuinermni qitiuvoq avataaniillu ilinniarfittut inissisimalluni.
Kangiata Illorsua Kalaallit Nunaanni, Qallunaat Nunaanni nunarsuarmilu atuartunut ilinniarnermi atortussanik pilersuisuuvoq.
Neqeroorutit tamarmik kalaallit qallunnaallu atuarfeqarfianni ilinniagassatut anguniagassaq tunngavigalugit tulluarsarneqarsimapput.
Kangiata Illorsuata ineriartortitsisuisa, suleqataasa najugarisami qanittumi nunarsuarmilu immikkut ilisimasallit atortussat nalitsinnut naleqquttuunissaannik paasissutissallu eqqortuunissaannik qularnaarisuupput.
NALUNAARNEQ, ISERSINNAATITAANEQ AKILLU
Nunatsinni atuaqatigiit akeqanngitsumik isersinnaapput. Pulaarneq atuartitsinerup nalaani sapinngisamik ulluinnarmi pisarnissaa kissaatigaarput. Atuaqatigiit nunanit allaneersut akiliisarput, taannalu nalunaarnermi isumaqatigiissutigineqartarpoq.
Nalunaaqqaarnani pulaarnermi eqimattanut akit akigititaasut malillugit akiliisoqartarpoq.
Ulloq aalajangersimasoq pulaarniaraanni piffissaq pulaarnissaq sioqqutingaatsiarlugu inniminniisarnissaq kaammattuutigaarput.
Kangiata Illorsuanit piffissami aalajangersimasumi klassit qassit nalunaarsinnaanissaat aalajangersorsinnaavoq.
Pulaarneq sioqqullu nalunaarnissaq pisariaqarpoq.
Piffissamik inniminniiniaruit Kangiata Illorsuanut mailimik nassissinnaavatsigut imaluunnit oqarasuaatikkut attavigisinnaavatsigut.
info@ifc.gl imaluunniit oqarasuaat +299 555588 imaluunniit +299 555557 atorlugu attavigisigut.
Feriarnerup, weekendit imaluunnit nalliuttut nalaanni Kangiata Illorsuanut pulaarniaraanni webshoppi atorlugu imaluunniit ornigunnermi billetsimik isissutissamik pisisoqartariaqarpoq.
Eqimattat 12 sinnerlugit inuttaqartut 10%-mik akikilliiffigineqarlutik isersinnaapput.
IKIORTARIAQARPIT?
Ikiortariaqarussi tunuarsimaarnasi attavigitigut. Qarasaasiamut, atuartitsinermulluunniit tunngasinnaavoq.
Uunga attavigitigut info@ifc.gl imaluunniit oqarasuaatikkut +299 555588.
SULEQATIT
Ilinniartitsinermik nittartagaq Kalaallit Nunaanni atuarfeqarfimmi aallaaveqarpoq Ilinniartitsinermik Ilisimatusarfik, Ilinniartitaanermut Aqutsisoqarfik kiisalu kommunit kattullutik qarasaasiaq atorlugu ilinniusiornermi ineriartortitsinermik programmi Kivitsisa aamma nittartagaq Nutaaliorta suleqatigalugit.
Ilulissani Kangiata Illorsuanit suleqatigut aningaasaliisugullu annertuumik qujaffigerusuppagut.
