KIKKUUVUGUT
Ilulissani Kangiata Illorsua nunatsinni paasisassarsiorfiit pilersaarutaareersut arfiniliusussat siullersaraat. Suliffeqarfiuvugut imminut ingerlattup Greenland Visitor Centerip ataaniilluta.
Kangia pillugu paasissutissiinitta saniatigut siunissamik pitsaanerusumik pilersitseqataanissarput, inuit pinngortitallu imminnut ataqatigiinnerat paasissutissiivigineratigut siunertaraarput.
Uatsinnut pulaarnerpit inuup pinngortitami avatangiiserisatsinni inissisimaneranut, paasinninnerpit qaqugumulluunniit allanngortinnissaa siunertaraarput. Tassami isumaqaratta, inuk pinngortitarlu imminnut ataqatigiilluinnartuusut, tamattalu immikkoorluta ataatsimut iliuusitsinnut nunarsuatsinnut kinguneqarlutillu sunniuteqartunut akisussaaffeqarpugut.
Pitsaassutsip, piujuartitsinerup, saaffigiuminartuunerup ataatsimoornerullu pingaartuuneri upperaagut. Taamaattumik Kangiata Illorsuani maani sumiiffitsinni sanaat atornissaat pisinnaasarput tamaat anguniarsarivarput. Illit Ilulissani Kangiata Illorsuanut takuniaasutut avatangiisitta eqqiluitsinnissaanik ikiuunnissat ilungersorluta kaammattuutigaarput.
SULISUT
Malu Jensen
Pisortap Tullia (barselsorlov)
Mari Steffani
Pisortap tulliatut paarlattaasoq
marianne@ifc.gl
M:+299 555557
Paninnguaq Jensen
Pulaartitsisartoq
Maja Magnussen
Pulaartitsisartoq
ATTAVEQARNEQ
Takuniaanernut atatillugu apeqqutissavit amerlanersaasa akissutaat, FAQ-imi, apeqqutigineqakkajuttuni akissutissarsissinnaavatit, apeqqutissaqaruilli akineqanngitsumik allannissarnut tikilluaqqusaavutit, ataaniittoq attaveqarnermut immersugassaq atorlugu.
Attaveqarnermut immersugaq uunga nassiuguk elisabeth@ifc.gl
Ulluinnarmi tulliuttumi apeqqutit akiniarsarissavarput, aasakkulli amerlasuunillu takuniaasoqartillugu sivisunerulaarsinnaavoq.
SULIFFIK
CAFÉMI ISERTUNILLU ISUMAGINNITTUSSAMIK SULEQATISSARSIORPOQ
AASAANERANI SULIFFIK 1.juni – 30.september – sapaatip akunneranut 40 tiimit
GREENLAND VISITOR CENTER
Ilulissani Kangiata Illorsua suliffiuteqarfiup imminut pigisup Greenland Visitor Centerip pigivaa. Ilulissani Kangiata Illorsua ulluinnarni illup aqutsisuanik aqunneqarpoq, taannalu Greenland Visitor Centerip pisortaata Greenland Visitor Centrerillu siulersuisuisa ataaniilluni.
AAQQISSUUSSISIMANEQ
Ilulissani Kangiata Illorsuaniit suleqatitsinnut aningaasaliisutsinnullu annertuumik qujarusuppugut. Illu takutitsivillu pitsaassusermik qaffasissuuneranut peqataavusi, tamannalu takuniaasut nuannaarutigisinnaavaat.
Takuniartarfik qallunaanit-kalaallinit piginneqatigiiffiusoq ajunngitsuliorluni peqatigiit Realdania, Naalakkersuisut Namminersorlutik Oqartussat, Avannaatalu Kommunia. 2015-imi piginneqatigiit taakku pingasut kangiata eqqaani takuniaasarfimmik pilersitsiniarlutik, 2016-imi nunat tamalaat akornanni titartaasartut unammisinneqarnerini Dorte Mandrupip suliniummut ajugaanera avammut nalunaarutigineqarpoq, aasamilu 2021-mi takuniaasarfiup matuni ammarpai Greenland Visitor Centrerimullu tunniunneqarluni, taassumalu takuniaavik ingerlappaa.
Kangiata Illorsuani takutitsivik atortuilu JAC studiosimit suliarineqarput Nordeafondenimiit, Augustinus fondenimiit, Bloomberg Philanthropiesimit OAK Foundationimiillu tapersersorneqarluni, aamma taakku Kangiata Illorsuata ilinniartitaanermut neqeroorutaat ilikkagassanullu aallerfissaq isumagaat.
Illit suliffiutippilluunniit Kangiata Illorsua tapersersorusukkukku uani siunertaq ajunngitsoq pillugu atuarsinaavutit.
