33_Icefjord_Centre_Adam_Mork_HighRes
Uani quppernermi Kangiata Illorsuata pilersinneqarnera, ilusilersorneqarnera saqqummersitsivialu pillugit atuagaqarsinnaavutit. Aamma uani UNESCOmi nunarsuarmi kingornussassatut pisuttuarfiit pillugit paasissutissanik pisinnaavutit  illorsuarmilu sammineqartut  assigiinngitsut itinersumik paasisaqafigerusukkukkit, suleqatigisagut ataatsimoortumik uani allattugaatigaagut.

ILLORSUUP PILERSINNEQARNERA

Ilulissat nunatta kitaani Qeqertarsuup tunuaniippoq – qaasuitsullu killeqarfianit 250 km-itut avannarpasinnerusumiilluni. Kangia pinngortitap ilagivaa immikkuullarissoq assissaqanngitsorlu. Takuniaasut maani sermit iigartartut nunarsuarmi aniatitsinerpaartaasa ilaat qanillillugu namminneq qimerloorsinnaavaat, silallu pissusaata allanngoriartornerata kinguneri misigisinnaallugit. Pinngortitami tamaani immikkuullarissumi, UNESCOmi nunarsuarmi kingornussassatut 2004-mi ilanngunneqartumi, Ilulissani Kangiata Illorsuassaa 2019-imi suliarineqarluni aallartinneqartoq. Illorsuup matui takuniaasunut siullernut juulimi 2021-mi ammarneqarput.

Illorsuup iluani takuniaasut saqqummersitarsuami ”Sermeq pillugu oqaluttuami” piffissani piusimasuni angalaarsinnaapput. Saqqummersitaliaq nersorniarneqarsimasunit JAC studiosimeersunit pilersitaavoq. Tassani puttaat akulloqquallugillulusooq, itsarnisarsiuut nassaavinit filmiaqqanillu igalaaminerni nilaminertut ilusilersukkani saqqumersitami angalaartoqarsinnaavoq.

Play Video

REALDANIAMIT VIDEO: Ilulissani Kangiata Illorsua pilersinneqarnera imm. 1 

REALDANIAMIT VIDEO: Ilulissani Kangiata Illorsua pilersinneqarnera imm. 2

REALDANIAMIT VIDEO: Ilulissani Kangiata Illorsua pilersinneqarnera imm. 3

ILLORSUAQ

Previous
Next

Photo: Adam Mørk, KJ Greenland & Jeppe Kjær

Kangiata Illorsua illussanik titartaasartumit Dorte Mandrupimit titartarneqarsivoq, 2019-imilu sananeqarnera aallartinneqarluni. Illorsuup angissusaa 1.500 kvadratmeterigajaavoq, taakkunanit 900 kvadratmeterit kiassagaallutik 400 kvadratmeterilu saqqummersitsiviullutik. Illorsuup immikkortuisa ilai qeqertaaqqatut puttasutut ilusilersukkat saqummmersitsivittallit sermimit qillerilluni qaqitanit takutitsiviusut akulloqquaneqarsinnaapput. Illorsuaq filmertarfeqarpoq, café pisiniarfillu.

Illorsuaq sisammik, qisummik igalaaminermillu sanaajusoq, 52-inik sisammik sanaanik najummisoqarpoq. Najummisut tamarmik immikkuullarissunik geometriskiusunik ilusilersugaapput, ataatsimoorlutillu illup ilusaa qissallatanngortippaat. Natit, qilaat, aneerasaartarfiit kiisalu illorsuup iluata ilaa qisummit pissusissamisoortumik kialaassutsimik misinnartitsisunik qallersugaapput. Qisuttai orpimmit manngertumeersuunerupput, ninngusuujullutik issittumi aserujaannerusuullutik.

Illorsuaq issittummiimmat kissassernissaa pingaarnertut isumaliutaasimavoq. Illorsuaq oqorsarluagaavoq kiassarneralu Ilulissat erngup nukissiorfeqarfianeermat nukimmik mingutsitsinngitsumik CO2-millu aniatitsisinngitsumik atuisuuvoq.

LOUISIANA CHANNEL: Dorthe Mandrupi Kangiata Illorsua pillugu oqaluttuarpoq

REALDANIAMIT VIDEO: Ilulissani Kangiata Illorsua – Nivaqqaarneq

SAQQUMMERSITAQ

Ilulissat_Icefjord_Centre_Children_photo_Adam_Mork_06_L

Ilisimatusarnermi nalunaarsuineq, allattuineq, avatangiitsinnilu paasinnianeq pisarput. Eqqumiitsuliornermi sukuiaaneq, nassuiaaneq, tupigusutsitsinerlu pisarlutik. Kangiata Illorsuani nipit, assilissat malugisaatillu allat atorlugit eqqumiitsuliornerup ilisimatusarnerlu imminnut naapitsinnerisigut sermersuaq pillugu paasinnittaaserput unamillerneqarpoq,  annertussussaatigut nunarsuarmullu, tamatta inuuffigisatsinnut, qanoq sunniuteqarneratigut.  Saqqummersitap ataavartup, JAC studiosimit pilersinneqartup, saniatigut aamma eqqumiitsuliat ”Sermeqarfimmi aalassannerit aqqanillit” Louise Foomit aamma ”Nunatsinni sermersuup iluani” Anna Domnickimit suliarineqarsimasut misigineqarsinnaapput.

Ukiuni tuusintilippassuarni inuit Qeqertarsuup Tunuani isseqisumi kaperlattartumilu iluarusullutik inuusimapput. Inuit inooriaasiat sermip, sikup pinngortitallu qanittumut sunniivigeqatigiinnerisigut avatangiisinut peqqarniissinnaasunut naleqqussagaavoq. Inuit piniarnermut, aalisarnermut, atisaliornermut angalaarnermullu teknologii ineriartortissimasaat, inuit pinngortitallu imminnut ataqatigiittuaannarsimanerannut ataqatigiittuaannarnissaannullu ersarissumik assersuutaavoq.

Saqqummersitsivimmi qillerilluni sermiviit qaqitat pingaarnertut takutinneqarput, ullutsinnit ukiullu 124.000 Kr.in. sioqq. kingumut silap pissusaata qanoq issimaneranik paasissutissartallit. Sermersuaq apummit; ukiut tamaasa nittaallat nakkaanerinit ikiariinngortartut qaleriiartut naqitsineranit, pinngorsimavoq  Aputip silaannartai, ikiariinni tamani pullartaaranngorlutik qerrussaasartut, kingunissamut toqqorneqartarput. Ullumikkut sermimit qillerilluni qaqitat atuakkatullusooq atuarneqarsinnaapput. Pisimasut annertuut, soorlu qaqqat innermik anitsineri imaluunniit ullorissat anai qanga oqaluttuatoqqannut ilaasimagaluartut ullumili puigorneqarsimasut, sermersuup iluani takussutissartaqarput. Atugartuut peruttulernerisa piujunnaarnerisalu sunniutai takusinnaavagut aammalu silap pissusaata allanngoriartornera ullumi inuunitsinnut sunniiisoq paasilluarsinnaanerulerparput. Inuk puigoraangat, sermeq eqqaamassooq.

Taamaasilluni sermeq pillugu oqaluttuaq Qeqertarsuup Tunuani inuuneq pillugu oqaluttuaavoq. Sermersuup paasiuminaatsumik oqimaassuseqarneranit oqaluttuaavoq, ukiunik tuusintilippassuarni qaarsumit naqisimasaminik seqqutsereriarluni pinngitsuugassaanngitsumillu imaanut ajattuineranik aamma oqaluttuaavoq. Sermip qaarsup seqummakui imaanut iperaraangamigit inuussutissanik pilersitsisarpoq, taamaasillunilu imaani inuunermik uummarissaasuulluni. Siku aamma inunnut uumasunullu inuunermik tunisisuuvoq, taakkumi piniarnissamut aalisarnissamullu pisariaqartippaat. Tassami sermeq sikulu pinngortitami inuunermut inuilu inuunerannut  tunngaviuvoq.

ÆLDSTETRIN
YNGSTETRIN

PISUTTUARFISSAT

Pisuttuarfissaq Word Heritage Trailimik taaguusigaq Kangiata Illorsuaniit aallartippoq. Pisuttuarfissaq, qisummit sanaaq, takoranneqisunik avatangiisilik qanga nunaqarfiusimasoq, Sermermiut, saneqqullugu Kangiata sineriaani Nakkaalatitsiviup qanittuanut ingerlavoq. Tassanni pisuttuarfik tungujortoq aallartippoq. Kangiata Illorsuata biilinut unittarfianiit aamma pisuttuartarfiit sungaartoq aappalaartorlu aallartipput, taakku nunakkuunerusoq, qisummik aqquteqaratik, angallavissaapput. Pisuttuartarfiit assigiinngitsut sisamaasut pillugit uani paasisaqarsinnaavutit.

PISUTTUARFIK WORLD HERRITAGE TRAIL↓

PISUTTUARFIK: Kangiata Illorsuaniit – Sermermiunut (qisummit aqqusiaq)

Qisummit aqqusiaq kangianut aqqutaavoq ajornannginnerpaaq sukkanerpaarlu, taamaattumik takornarianit Iluliarmiunillu nuannarineqaqaaq.

TAKISSUSAA: 1,3 km

PISUTTUARNERUP SIVISUSSUSAA: Akunnerit 0,5 siumut utimullu

SAPERNASSUSAA: ●○○○

PISUFFISSAQ: Aqqutaa tamaat pisuinnarnut aqquteqarpoq. Pittorluttunut, kørestolertunut aneerussivertunullu atoruminarpoq.

 

PISUTTUARFIK AAPPALAARTOQ ↓

PISUTTUARFIK: Ilulissat Kangiata Illorsuaniit – Seqinniarfimmut

Kangianiit kangianulluunniit aqqut qaninneq Seqinniartarfiup tungaanoortoq, tassanngaaniit kangianut isikkiveqarpoq.

TAKISSUSAA: 1 km siumut utimullu

PISUTTUARNERUP SIVISUSSUSAA: Akunnerit 0,5 siumut utimullu

SAPERNASSUSAA: ●●○○

PISUFFISSAQ: Pisuffissaq ajornanngitsuuvoq annikitsumillu qummukajaaqarluni.

 

PISUTTUARFIK SUNGAARTOQ↓

PISUTTUARFIK: Nukissiorfimmiit – Kangiata Illorsuanut

Pisuttuarfik alianaatsoq, tassani iluliarsuit ikkannermut ikkarlissimasut qanillineqarsinnaapput.

TAKISSUSAA: 2,7 km

PISUTTUARNERUP SIVISUSSUSAA: Akunnerit 1,5 – 2

SAPERNASSUSAA: ●●●○

PISUFFISSAQ: Nunap ilaa pisuffigiuminarpoq qummukajaaqalaarlunilu.

 

PISUTTUARFIK TUNGUJORTOQ↓

PISUTTUARFIK: Ujaqqerivik – Sermermiut – Kangiata Illorsua

Pisuttuarfik alianaatsoq allanngorartorlu, kangia assigiingitsuniit takuneqarsinnaavoq.

TAKISSUSAA: 6,9 km

PISUTTUARNERUP SIVISUSSUSAA: Akunnerit 4 – 5

SAPERNASSUSAA: ●●●●

PISUFFISSAQ: Maniilakuluppoq qummukajaaqaangaatsiarlunilu.

Previous
Next

AAQQISSUUSSAANEQ

Åbning af huset 3 juli

PAASISAQARNERORUSUPPIT?

Kangiata Illorsua suleqatigisatta ikiorsiinerisigut pilersinneqarpoq. Kangiata nunat avatagiisigisai immikkuullarissut pillugit, ukiuni 4000-ini piorsarsimassutsikkut kingornussat pillugit, silallu pisusaata allanngoriartornera pillugu Kangiatalu Illorsuata oqaluttuassartaani pingaaruteqartut pillugit, linkit ataaniittut toorlugit paasissutissanik pissarsisinnaavutit.

  1. Unesco Verdensarvsområdet KANGIA 
  2. Naturinstituttet i Nuuk
  3. Klimaforskningscentret 
  4. GEUS – De Nationale Geologiske Undersøgelser for Grønland og Danmark
  5. Grønlands Nationalmuseum og arkiv
  6. Realdania

AAQQISSUUSSAANEQ

Åbning af huset 3 juli

PAASISAQARNERORUSUPPIT?

Kangiata Illorsua suleqatigisatta ikiorsiinerisigut pilersinneqarpoq. Kangiata nunat avatagiisigisai immikkuullarissut pillugit, ukiuni 4000-ini piorsarsimassutsikkut kingornussat pillugit, silallu pisusaata allanngoriartornera pillugu Kangiatalu Illorsuata oqaluttuassartaani pingaaruteqartut pillugit, linkit ataaniittut toorlugit paasissutissanik pissarsisinnaavutit.

  1. Unesco Verdensarvsområdet KANGIA 
  2. Naturinstituttet i Nuuk
  3. Klimaforskningscentret 
  4. GEUS – De Nationale Geologiske Undersøgelser for Grønland og Danmark
  5. Grønlands Nationalmuseum og arkiv
  6. Realdania
Dorte Mandrup Icefjord Center NordicSunset Update v3 copyright@www.mir_lys-min

KIKKUUVUGUT?

Northern Light at Ilulissat Icefjord. Photo - Aningaaq R. Carlsen, Visit Greenland-min

Ilulissani Kangiata Illorsua Kalaallit Nunaanni Paasisassarsiorfinni arfinilinni pilersaarutaasuni siulliulluni sananeqarpoq. Greenland Visitor Centerip ataani imminut pigaluta suliffeqarfeqarpugut.

Kangiata Illorsua pillugu pissanganartunik paasisassiiginnarnata siunissamut inuit pinngortitallu akornanni ajunnginnerusumik siunissalimmik sunniivigeqatigiittoqarnissaa anguniarparput.

Uagut anguniarparput takusaanerpit qaqugumulluunniit pinngortami inuup inissisimaffissaanik paasinnilersissagaatit.

Uagut isumaqarpugut inuit pinngortitarlu qilerussaarneqarsinnaanngitsumik atasuusut, uagullu immikkut tamatta ataatsimut iliuuseqartarnigut nunarsuatsinnut kinguneqarneri isumaqarnerilu upperaagut.

Pitsaassuseq, atasinnaassuseq, tikinneqarsinnaaneq ataatsimoorsinnaassuserlu uagut upperaagut. Taamaammat nerisatsinni, puuguttatsinni, nerinermut atortutsinni poortuutissatsinni sumiiffitsinnit sapinngisatsinnik atuerusunnerulluta, soorlu aamma sapinngisamik equutissiat eqqiaatillu tunngaviusumik atasinnaasumik sananeqarsimanissai pinngortitamilu nungusarneqarsinnaanissaat anguniarlugu. Pisiniarfitsinni atasinnaasumik sanaanik nerumittumit akuneqanngitsunik atuinerusarluta. Ilulissani Kangiata Illorsuani takusaasutut avatangiisitta minguitsuutinnissaanut ikiunissannut kajumissaarerusuppugut.

SULISUT

0C39995A-A965-4836-A6EE-BE3AD263E6B7-min

Elisabeth Momme

Pisortaq Isfjordscentret 
elisabeth@isfjordscentret.gl 
M: +299 555588

SULIFFEQARFIK PILLUGU

Ilulissani Kangiata Illorsua ulluinnarni aqutsisumit ingerlanneqartarpoq, taannalu Greenland Visitor Centerimi pisortamut Greenland Visitor Centerillu siulersuisuannut atassuteqarluni.

Ilulissani Kangiata Illorsua Greenland Visitor Centerimit pigineqarpoq taakkulu Ilulissani Kangiata Illorsuani pingaarnertut suliassat isumagisarpaat.

 

GREENLAND VISITOR CENTER

Greenland Visitor Centerip Kalaallit Nunaanni Paasisassarsiorfiit pigalugillu ingerlattarpaat. GVC-mit aningaasanik tapersiisut peqatigisallu isumagisarpaat, soorlu aamma takornarianut ingerlatsisut angalanermullu aaqqissuisut ataatsimut pisiassat tungaatigut isumaqatigiissuteqarfigisarlugit.

Ingerlatsisuuguit imaluunniit angalanermut aaqqissuisuullutit periarfissatit GVC-iip nittartagaani paasisaqarfiginerusinnaavatit greenlandvisitorcenter.gl-mi atuarsinnaallugit.

ANINGAASANIK TAPERSEERUSUTTUT

Ilulissani Kangiata Illorsuanit aningaasanik tapersiissutinut qujarujussuarusuppugut. Saqqummersitatsinnut pitsaassutsinut tunniusseqataasarput takusaasunullu takujuminartunik taamaaliornerminni tunniussisarlutik.

Illit imaluunniit suliffeqarfiutit Kangiata Illorsuanut taperseerusukkussi siunertarlu ajunngitsoq tapersersorusullugu uani paasisaqarnerusinnaavutit.