SERMIP NINGIMARNGA SUNAAVA?
- Nunarsuarmi sermit ningimarngisaa sermik pilersuisut annersaasa ilaat
- Sermit ningimarngi silap allanngoriartorneranik uppernarsaasuuput
- Sermip ningimarngisa quppai sermillu taseqqerneri
- Qanga Kalaallit Nunaat kiassimavoq qorsooqqillunilu
Makua atorlugit suliassat akisinnaavatit
- Oqaasertalersorlugit
- Nipi
- Titartaanermut atortutj
- Assit
Atuakkami sammisaq pillugu assit takusinnaavatit.
Sermeq Kujalleq nunarsuarmi sermit ingerlaartut sukkanersaaraat. Ullup unnuallu ingerlaneri 40 meterit tikillugit sukkassuseqarluni ingerlasarpoq.
Aasakkut sermip ningimarngata saava qupitertarpoq. Oqartarpugut iigartoq.
Quppernerup tulliani qanoq ililluni iigartarnersoq takuk.
Sermip ningimarnga sunaana? Atuakkami qupperneq 8-9-mi asseq takuk.
Atuakkami qupperneq 8-9-mi asseq takuk.
Sooq sermip ningimarnga taamaallat aasanerani iigartarpa?
Ukiup qanoq ilinerani sermip ningimarnga sukkanerpaamik ingerlasarpa?
Nunap assingata sermip ningimarngata saavata ingerlaarneri ukiut 1800-it qiteqqunnerannit ukioq 2018-ip tungaanut takutippai.
Kristusip inunngornera sioqqullugu ukiut 6000-it matuma siornatigut sermip ningimarngata saava Kangiata paavaniissimavoq. Ukiut 7.875-t qaangiummata Kangiata qeqqata missaani inissisimavoq.
Ukioq 2001-mit ukiup 2006-p tungaanut sermip ningimarngata saavata nikerujussuarsimaneranut suna peqqutaasinnaava?
Seqerngup sermersuup qaava kissattarpaa kuussuillu tungujortumik turkisitut qalipaatillit sikup qaavani pinngortittarlugit. Kuussuit ilai puilasuliakkut sermip naqqanut kuuttarput.
Tassani imeq “perrassaataasarpoq”, tamaalillunilu sermip sinaata killinganut sukkanerusumik ingerlatilertarlugu.
Erngup sinnera sermimi tatsini kuunnilu katersuuttarpoq.
Sermip ningimarngata puilasuini erngup sermip ningimarnga qanoq ingerlaartilertarpai?
Tatsit kuuillu tungujortumik turkisitut qalipaateqarput. Imeq taama ittumik qalipaateqarpa?
Kuussuup tatsillu suna assigiinngissutigaat?
Arlaanniit tupigisaqarpiit?
Ullumikkut Kalaallit Nunaata sermersuata nunap 80%-ia qalleqqavaa sermerlu 2,99 mio. kubikkilometerinik initussuseqarpoq. Sermersuaq nunarsuup avannarliup affaani erngup tarajoqanngitsup affangajaatut annertussuseqarpoq ukiullu ingerlanerani nittaalat qaleriiaarneranik naqitsinerullu kinguneranik serminngorluni pinngormalluni.
Kisianni ukiut 450.000-it missiliorlugit matuma siornatigut nuna kiannerusimavoq Kalaallit Nunaatalu kujasinnerusortaani assigiinngitsunik orpeqarsimaneranik takussutissartaqarpoq, soorlu orpiliassat, sallilikkiassat, pallernik orpinnillu allanik.
DNA atorlugu misissueqqissaarnerit tunngavigalugit aamma pakkalugaqarsimaneranik, qillaalaqarsimaneranik, niviugaqarsimanerannik sullinernillu sikannertuunik peqarsimaneranik takussutissarsisoqarsimavoq. Takussutissat imaluunniit paasissutissat sermersuup naqqani toqqorneqarsimasut sermimillu qillerinermit pissarsiarineqarsimasut.
Sermeq Kujalleq nunarsuarmi sermit ingerlaartut sukkanersaaraat. Ullup unnuallu ingerlaneri 40 meterit tikillugit sukkassuseqarluni ingerlasarpoq.
Aasakkut sermip ningimarngata saava qupitertarpoq. Oqartarpugut iigartoq.
Quppernerup tulliani qanoq ililluni iigartarnersoq takuk.
Sermip ningimarnga sunaana? Atuakkami qupperneq 8-9-mi asseq takuk.
Atuakkami qupperneq 8-9-mi asseq takuk.
Sooq sermip ningimarnga taamaallat aasanerani iigartarpa?
Ukiup qanoq ilinerani sermip ningimarnga sukkanerpaamik ingerlasarpa?
Nunap assingata sermip ningimarngata saavata ingerlaarneri ukiut 1800-it qiteqqunnerannit ukioq 2018-ip tungaanut takutippai.
Kristusip inunngornera sioqqullugu ukiut 6000-it matuma siornatigut sermip ningimarngata saava Kangiata paavaniissimavoq. Ukiut 7.875-t qaangiummata Kangiata qeqqata missaani inissisimavoq.
Ukioq 2001-mit ukiup 2006-p tungaanut sermip ningimarngata saavata nikerujussuarsimaneranut suna peqqutaasinnaava?
Seqerngup sermersuup qaava kissattarpaa kuussuillu tungujortumik turkisitut qalipaatillit sikup qaavani pinngortittarlugit. Kuussuit ilai puilasuliakkut sermip naqqanut kuuttarput.
Tassani imeq “perrassaataasarpoq”, tamaalillunilu sermip sinaata killinganut sukkanerusumik ingerlatilertarlugu.
Erngup sinnera sermimi tatsini kuunnilu katersuuttarpoq.
Sermip ningimarngata puilasuini erngup sermip ningimarnga qanoq ingerlaartilertarpai?
Tatsit kuuillu tungujortumik turkisitut qalipaateqarput. Imeq taama ittumik qalipaateqarpa?
Kuussuup tatsillu suna assigiinngissutigaat?
Arlaanniit tupigisaqarpiit?
Ullumikkut Kalaallit Nunaata sermersuata nunap 80%-ia qalleqqavaa sermerlu 2,99 mio. kubikkilometerinik initussuseqarpoq. Sermersuaq nunarsuup avannarliup affaani erngup tarajoqanngitsup affangajaatut annertussuseqarpoq ukiullu ingerlanerani nittaalat qaleriiaarneranik naqitsinerullu kinguneranik serminngorluni pinngormalluni.
Kisianni ukiut 450.000-it missiliorlugit matuma siornatigut nuna kiannerusimavoq Kalaallit Nunaatalu kujasinnerusortaani assigiinngitsunik orpeqarsimaneranik takussutissartaqarpoq, soorlu orpiliassat, sallilikkiassat, pallernik orpinnillu allanik.
DNA atorlugu misissueqqissaarnerit tunngavigalugit aamma pakkalugaqarsimaneranik, qillaalaqarsimaneranik, niviugaqarsimanerannik sullinernillu sikannertuunik peqarsimaneranik takussutissarsisoqarsimavoq. Takussutissat imaluunniit paasissutissat sermersuup naqqani toqqorneqarsimasut sermimillu qillerinermit pissarsiarineqarsimasut.
