ANGAKKOQ PINNGORTITALLU INUULLU ATAQATIGINNERAAT

Angakkoq, inuunermit piviusumit anersaat silarsuaannut, attaveqaataasimavoq.

Sassuma Arnaa Silallu Inua anersaat silarsuaanni inuupput.

Angakkoq anersaat silaarsuaannut angalassagaangami qilaatini atortarsimavaa. Qilaatip katuarnerata eqqaminiittunik sianigisaarutitittarpaa. Taamaalilluni anersaat silarsuaanut appakaassinnaalersarpoq.

Piniagassalaatsineqartillugu angakkoq anersaat silarsuaanut angalasarpoq. Sassuma Arnaata nujaanit  piniagassat imugussaarniarlugit Sassuma Arnaa ornittariaqartarpaa.

• Angakkoq qanoq ililluni inuunermit piviusumit anersaat silarsuaanut angalasarsimava?

• Sassuma Arnaa Silallu Inua anersaat silarsuaanni inuusimapput. Anersaat silaarsuaanni toornat allat qanoq ateqarnersut paasiniaruk.

• Angakkumik taagutit allat paasiniakkit. 

Sassuma Arnaa tassaavoq oqa- luttuatoqqani inuit akornanni ataqqineqartorujussuaq. Piniagassat perukkaangata, isumaqartarsimapput tamanna inuit ajortuliorsimaneranik kinguneqartoq, inuillu pillarniarlugit Sassuma Arnaata piniagassat nujamini ilagussimasuni uninngatittarpai.

Sassuma Arnaata piniagassat iperarniassammagit angakkoq inuit ajortuliaat utoqqatsissutigiartorlugit anersaat silarsuaanut immap naqqanut navianartorsioqaluni angalasariaqartarsimavoq.

Sassuma Arnaanik oqaluttualiap inuiaqatigiinni ileqqunik angakkullu inassutaanik inuit maleruaanissaat isumannaartarpaa.

Qipparissoq taartoq tooruk filmilu aallartillugu. 

Filmimi qanoq pisoqarpa? Assit ikiorsinnaavaatsit.

Inua tassaavoq taaguut, sunik tamanik anersaaqalersitsisoq, soorlu uumasunik, naasunik, ujaqqanik, silamik taamaalillunilu inunnut assingulersitsisoq.

Silap inua tassaavoq nalunartoq. Allerutinik maligassanillu unioqqutitsisoqaraangat qisuariartartoq.

Sivisuumik silarlukkaangat piniartut piniariarsinnaasanngillat.

Taamaattumik angakkoq anersaat silarsuaannut allerutit maleruagassallu suut unioqqutinneqarsimanersut paasiniarlugu angalasariaqartarsimavoq.

Uteraangami inuit oqaluttuuttarpai allerutit maleruagassallu suut malittariaqarneraat.

• Kuisinneq maleruagassanut assersuutaavoq. Maleruagassanik allanik ilisimasaqarpit?

• Assimi takuneqarsinnaapput angakkoq anersaap silaarsuaanut angalagaangami atortagai. Tamakku qanoq ateqarpat. Atuakkami quppernermi 53-mi ikiortissarsiorit.

  
  

Piniagassaalatsineqartillugu nunaqarfimmiut angakkoq ornittarpaat. Angakkoq anersaat silarsuaannut atassuteqaataavoq, tassaniippullu Sassuma Arnaa Silallu Inua.

Angakkoq anersaat silaarsuaannut angalassagaangami qilaatini atortarsimavaa. Qilaatip katuarnerata eqqaminiittunik sianigisaarutitittarpaa. Taamaalilluni anersaat silarsuaanut appakaassinnaalersarpoq.

Piniagassaarukkaangat angakkup angalanerata siunertarigajuttarpaa piniagassat iperartinniarlugit Sassuma Arnaanukartarneq.

• Angakkoq qanoq isilluni anersaat silaarsuaanut angalasarpa? 

• Sassuma Arnaa Silallu Inua anersaat silarsuaanni inuusimapput. Inuit allat anersaat silarsuaaniittut aqqi paasiniakkit.

• Qangaanerusoq anersaanik angakkuarnermillu upperisaqarneq inuit ulluinnarni inuunerannut ilaasimavoq. Sooq inunnik anersaalinnik upperisaqarneq pinngorsimava?

Sassuma Arnaa inuit akornanni tassaavoq oqa- luttuatoqqani ataqqineqartorujussuaq. Piniagassat peerukkaangata, isumaqartarsimapput tamanna inuit ajortuliorsimaneranik kinguneqartoq, inuillu pillarniarlugit Sassuma Arnaata piniagassat nujaminut ilagussimasunut uninngatittarpai.

Sassuma Arnaata piniagassat iperarniassammagit angakkoq inuit ajortuliaat utoqqatsissutigiartorlugit anersaat silarsuaanut immap naqqanut navianartorsioqaluni angalasariaqartarsimavoq.

Sassuma Arnaanik oqaluttualiap inuiaqatigiinni ileqqunik angakkullu inassutaanik inuit maleruaanissaat isumannaartarpaa.

Qipparissoq taartoq tooruk filmilu aallartillugu.  

Assit allagartalersukkit, imaluunniit oqaluttualiat immiuguk.

Inua tassaavoq taaguut, sunik tamanik anersaaqalersitsisoq, soorlu uumasunik, naasunik, ujaqqanik, silamik taamaalillunilu inunnut assingulersitsisoq.

Silap inua tassaavoq nalunartoq. Allerutinik maleruagassanillu unioqqutitsisoqaraangat qisuariartartoq.

Sivisuumik silarlukkaangat piniartut piniariarsinnaasanngillat.

Taamaattumik angakkoq anersaat silarsuaannut allerutit maleruagassallu suut unioqqutinneqarsimanersut paasiniarlugu angalasariaqartarsimavoq.

Uteraangami inuit oqaluttuuttarpai allerutit maleruagassallu suut malittariaqarneraat.

Allerutip malinneqarnissaanik unioqqutitsineq tassaasinnaavoq arnat aaqaraangamik nunaqarfiup avataani tupermi kisimiillutik najugaqartarnissaat.

• Oqaatsit allerut aammalu maleruagassat (ritualit) suunersut nassuiaruk, tassunga atatillugu assersuusiorit.

• Silap Inua sooq inunnut immikkut pingaaruteqarsimava?

Nunaqarfimmiut pissakilliuleraangata angakkoq ikiuuttariaqartarpoq. 

Angakkup  pissakilliorneq sunik peqquteqarnersoq qanorlu nunaqarfimmiunit anigorneqarsinnaanersoq paasiniarlugu anersaat attaveqarfigisinnaasarpai

• Angakkoq anersaat silarsuaannut angalagaangami suut atortarpai?

• Angakkup kina ornittariaqartarpaa piniagassat iperagaatinniarlugit?

• Angakkoq sooq eqqaminiittunik sianigisaaruttariaqartarpa, tamannalu qanoq isumaqarpa?

Inuit suliapilulioqaraangata, Sassuma Arnaata piniagassat nutsamini pisaralugit pillartariaqartarpai.

Angakkok Sassuma Arnaata nujaanit uumasut iperagaatinniarlugit angalasariaqartarpoq. 

• Sooq Sassuma Arnaata uumasut tamaasa tiguarsimasarpai?
• Quppernermi 51-mi assit sunik oqaluttuarpat?
• Sassuma Arnaanik oqaluttualiap suna isumannaartussaavaa?

Allerutit maleruaqqusallu unioqqutinneqaraangata, taava Silap Inua piniartoqarsinnaajunnaarlugu silarlulersitsisinnaasarpoq.

Angakkoq tassavaoq allerutit imaluunniit maleruaqqusat sorliit unioqqutinneqarsimanersut paasiniarlugu anersaat silarsuaannut angalariaqartartoq. 

Angakkoq uteraangami ilisimananik nutaanik, allerutit maleruaqqusalluunniit qanoq maleruarneqarnissaannik, nunaqarfimmit anngussisarpoq.

• Silap Inua sunaava?

• Atuakkami allerutitut assersuutitut suut atuarsinnaavigit?

• Assimi katuaq takusinnaavat, kisianni suut allat aamma takusinnaavigit? Asseq aamma atuakkami qupperneq 53-miippoq.

Nunaqarfimmiut pissakilliuleraangata angakkoq ikiuuttariaqartarpoq. 

Angakkup  pissakilliorneq sunik peqquteqarnersoq qanorlu nunaqarfimmiunit anigorneqarsinnaanersoq paasiniarlugu anersaat attaveqarfigisinnaasarpai

• Angakkunngussagaanni suut piumasaqaataanersut misissoruk.

• Angakkup kina ornittariaqartarpaa piniagassat iperagaatinniarlugit?

• Angakkoq qanoq ililluni anersaat silarsuaannut attaveqarsinnaasarpa?

Inuit suliapilulioqaraangata, Sassuma Arnaata piniagassat nutsamini pisaralugit pillartariaqartarpai.

Angakkok Sassuma Arnaata nujaanit uumasut iperagaatinniarlugit angalasariaqartarpoq. 

• Sassuma Arnaa pillugu isiginnaagassiami inuit sunik ajortuliorsimappat?

• Quppernermi 51-mi assit sunik oqaluttuarpat?

• Ullumikkut taamatut assingusunik oqaluttualiussagaanni, taava suna sammineqassava?

Allerutit maleruaqqusallu unioqqutinneqaraangata, taava Silap Inua piniartoqarsinnaajunnaarlugu silarlulersitsisinnaasarpoq.

Angakkoq tassavaoq allerutit imaluunniit maleruaqqusat sorliit unioqqutinneqarsimanersut paasiniarlugu anersaat silarsuaannut angalariaqartartoq. 

Angakkoq uteraangami ilisimananik nutaanik, allerutit maleruaqqusalluunniit qanoq maleruarneqarnissaannik, nunaqarfimmit anngussisarpoq.

• Oqaluttualiat Sassuma Arnaa aamma Silap Inua pillugu sooq pisariaqartinneqarsimappat?

• Atuakkami allerutitut assersuutitut suut atuarsinnaavigit?

• Assimi aamma atuakkami qupperneq 53-miittumik katuaq takusinnaavat, kisianni suut allat aamma takusinnaavigit?