PINIARNERMUT PIAREERSAATIT

Imarisat

  • KANGERLUMMI SERMILIMMI UUMASORPASSUIT
  • KANGERLUMMI SERMILIMMI PINIARNEQ AALISARNERLU
  • SERMEQ IIGARTARTOQ SERMERSUARLU
  • KANGERLUMMI SERMILIUP PISUUSSUTAI INUILLU AKORNANNI NAAPINNERIT
  • ILULIAQ
  • SERMERMIUNI NUNAQARFIK
  • NITTAALAP ANGALANERA
  • SERMIP NUNATAANI NUNAP SAJUNNERI AQQANILLIT

    • ATORTUSSAT PILLUGIT

    • Aarnuat ritualillu
    • Arnaq atisarlu

    • Maku atorlugit suliassat suliarissavatit

      • Oqaluttariarsorneqt
      • Nipi
      • Titartaanermut atortut
      • Assit

    • Atuakkami sammisap assitai nassaarisinnaavatit.

    Piniartunit piniagassat anersaavinut pissusigissaarnissaq attavigissaarnissarlu pingaaruteqarpoq. Allerutit, maleruagassallu ileqqoreqqusallu allat eqquutsinnerisigut taamaaliortarsimamapput.

    Aarnualersorlutik ilisarnaasersorlutillu piniagassaqarnissaq ajutuunnginnissarlu qulakkeerniarlugit sillimaniartarsimapput.

    Arnuaq tassaavoq nappaatinut, ajunaarnermut, navianartunut kussussinermullu illersuutaasoq. Aamma iluanaarnermik pilersitsisinnaavoq.

    Timmissap meqqua, saaneq ujaralluunniit aarnualiarineqarsinnaavoq.

    • Aarnuat sunit piginnaasaqarpat?

    • Asseq qimerloorluaruk. Timmiaq qanormitaava ateqarpa?

    • Tui eqqissinermut ilisarnaataavoq. Ilisarnaatinik allanik taasaqarsinnaavit?

    Inuit oqartarput, arnap piniagassat pisarisarpai angutillu aasarpai.

    Arnap uini piniagassaqarluartinniarlugu allerutit maleruagassallu unioqqutinnaveersaartariaqartarpai. Tamanna piniagassat qimaatinnginnissaat anguniarlugu pinngitsoorneqarsinnaanngilaq.

    Arnaq atisanik mersullaqqissussaavoq. Atisat oqortuusussaapput kusanartuullutillu, taamaalillutik uumasut kajungertilerniassammata.

    • Sooq arnat allerutit maleruagassallu maleruartariaqartarpaat? 

    • Assimi tuilik sumik sananeqaateqarpa sunillu pinnersaasersorneqarsimava? Qupperneq 59-mi ikiortissarsiorit.

    • Atisami pinnersaatit sumut iluaqutaaniartussaappat? 

    IPADIT ATORLUGU SULIASSAT SAMMIKKIT

    Inuit pinngortitap nukiinik atorfissaqartitsisarsimapput. Piniartunit piniagassat anersaavinut pissusigissaarnissaq attavigissaarnissarlu pingaaruteqarpoq. Allerutit, ritualit ileqqoreqqusallu allat maleruarnerisigut taamaaliortarsimapput.

    Aarnualersorlutik ilisarnaasersorlutillu piniagassaqarnissaq ajutuunnginnissarlu qulakkeerniarlugit sillimaniartarsimapput. 

    Arnuaq tassaavoq nappaatinut, ajunaarnermut, navianartunut kussussinermullu illersuutaasoq. Aamma iluanaarnissamik pilersitsisinnaavoq.

    Timmissap meqqua, saaneq ujaralluunniit aarnualiarineqar- sinnaavoq. Aarrup kukia aarrup anersaavanik imaqarpoq. Assersuutigalugulu atisamut mersuunneqarsimaguni taava aarrup nukii piginnaassusaalu atisamik atortup pigilertarpai.

    • Asseq qimerlooqqissaaruk. Tassa timmiaq  aarnualiarineqarsimasoq.. Timmiaq sunamitaavaa inunnullu sunik piginnaasaqalersitsisinnaava?

    • Tui eqqissinermut ilisarnaataavoq. Ilisarnaatinik allanik taasaqarsinnaavit?

    Inuit oqartarput, arnap uumasut  pisarisarpai  angutillu aasarlugit.

    Arnap uini pisaqarluartinniarlugu aamma allerutit maleruagassallu unioqqutinnaveersaartariaqartarpai. Taamaattumik arnaq tassaavoq maleruagassanik ataqqinninnermigut piniagassanik qammaasinnaasoq.

    Arnaq aamma atisanik mersullaqqissuusariaqarpoq. Tassa atisat oqortuusariaqarput kusanartuullutillu, taamaalillutik uumasunik qammaasinnaaniassammata.

    Arnap mersullaqqissuunera taamaattumik inuiaqatigiinni inissisimaneranut pingaaruteqartuuvoq.

    • Arnat piniarnermut atatillugu qanoq pingaaruteqarpat? 

    • Assimi tuilik takuneqarsinnaavoq. Sumik sananeqarsimava sunillu pinnersaasersorneqarsimava? Atuakkami qupperneq 59-mi ikiortissarsiorit.

    • Arnap atisaa qanoq isikkoqarpa?   

    IPADIT ATORLUGU SULIASSAT SAMMIKKIT

    Aajuna kissaviarsuk aarnualiaq. Aarnuamik piginnittoq nappaatinut, ajunaarnissamut, navianartunut imaluunniit kussunneqarnissamut illersorniarlugu aarnuat atorneqartarput.

    Aamma iluatsitsissutaasinnaavoq. 

    Aarnuaq timimiitinneqarsinnaavoq imaluunniit angerlarsimaffimmut imaluunniit qaannamut inissinneqarsinnaavoq.

    • Piniartut pinigagassat anersaavinut pitsaasumik atassuteqarnertik qanoq attassinnaasarpaat?

    • Aarnuaq sunik sananeqaateqarsinnaava?

    • Quppernermi 57-mi umasoq sorleq aarnualiarineqarsimava?

    Nunaqarfimmi arnat piniarnermut atatillugu pingaaruteqartorujussuupput. 

    Oqartoqartarpoq arnap piniagassat pisarisarai angutillu aasarlugit.

    Arnaq atisanik mersullaqqissussaavoq. Atisat oqortuusussaapput kusanartuullutillu, taamaalillutik uumasut kajungertilerniassammata.

    • Arnap piniagassat qanoq isilluni qammarsinnaasarpai?

    • Sooq arnap inuiaqatigiinni inissisimaneranut mersorsinnaanera apeqqutaasarpa?

    • Assimi tuilik sunik sananeqaateqarpa. Asseq atuakkami quppernermi 59-mi aamma takuneqarsinnaavoq.

    IPADIT ATORLUGU SULIASSAT SAMMIKKIT

    Aajuna kissaviarsuk aarnualiaq. Aarnuamik piginnittoq nappaatinut, ajunaarnissamut, navianartunut imaluunniit kussunneqarnissamut illersorniarlugu aarnuat atorneqartarput.

    Aamma iluatsitsissutaasinnaavoq. 

    Aarnuaq timimiitinneqarsinnaavoq imaluunniit angerlarsimaffimmut imaluunniit qaannamut inissinneqarsinnaavoq.

    • Piniartunit pinigagassat anersaavinut pitsaasumik atassuteqarnissaq sooq pisariaqartinneqarsimava?

    • Aarnuaq sunik sananeqaateqarsinnaava?

    • Aarnuaq sumut illersuutaasinnaava?

    Nunaqarfimmi arnat piniarnermut atatillugu pingaaruteqartorujussuupput. 

    Oqartoqartarpoq arnap piniagassat pisarisarai angutillu aasarlugit.  

    • Arnap piniagassat qanoq isilluni qammarsinnaasarpai?

    • Arnap inuiaqatigiinni inissisimaneranut mersorsinnaanera apeqqutaasarsimavoq. Ullutsinni inuiaqatigiinni inissisimanitsinnut piginnaasanik pisariaqartitsisoqarpa?  

    • Illit isummat naapertorlugu atisat pinnersaaserluagaasut piniagassanik qanoq qammaasinnaasimappat?

    IPADIT ATORLUGU SULIASSAT SAMMIKKIT