QILAATERSORNEQ

Isumaqatigiinngissuteqaraanni qilaatersorluni aaqqinneqartarsimapput.

Isumaqatigiinnginneq tassaasinnasimavoq – sinnganeq imaluunniit sangiattoqarneq – niuerneq pitsaanngitsoq – akaareqatigiinnginneq.

Illit ikinngutillu assortuuppusi. Suna assortutigaasiuk?

Maku pillugit oqaluttualiaq immiuguk imalunniit allaaseriuk:

• suna pillugu akareqatigiikkunnaarpisi?
• qanoq isillusi ikinngutigiileqqippisi?

Illit oqaluttualiat:

Atuakkami quppernermi 19-mi nunap assingani inuit Sermermiormiut sumut angalasarnersut takusinnaavat.

Aasaanerani kangerlunnut aasivimminnut angalasarput. Tamaanilu tuttut, eqaluit nataarnallu piniartarpaat..

Sineriammi aarrit qilalukkallu qernertat aamma piniartarpaat.

Angalanerminni inuit allat naapittarsimavaat. Niueqatigalugillu oqaluttuaqatigiittarsimapput.

• Arfanniarlutit Sermermiunit Attuliassaatit?

  Angalanissat qanoq isorartutigaa?

• Angallat qanoq ittoq angallatigaajuk?

• Arferit sorliit piniarpigit?

Arferit soqqaanik aalisaatiliortoqarsinnaasimavoq. Aalisaatit atorlugit aalisakkat itisoormiut piniarneqartarput.

Iluliliarmiut arferit soqqaanik peqartarsimapput.

Ukkusissaq qulliliarineqarsinnaasimavoq. Ukiukkut kaperlannerani piniartilluni nassatassaqqissuusimapput.

Kujataamiut ukkusissaateqartarsimapput.

Arferit soqqartai 2-3 ukkusissamik 1-mik paarlaanneqarsinnaasimavoq.

• Kujataamiut sooq ukkusissaq 1 soqqanik 2-4 taarserusuttarpaat?

• Iluliarmiut ukkusissaq sumut atortarsimavaat?

• Qanoq isilluni qaammaqqutaalersinnaasarpa?

Qilaatersorneq assigiinngitsuni atorneqartarpoq:

• angakkuersaarnermi
• aliikkusersuinermi
• aaqqiagiinngissutinik iluarsiiniarnermi

Nigaliami  annermi inuit aaqqiagiinngissutertitk iluarsiniaraat takuneqarsinnaapput.

Sinnerseraallutik qilaatersorput imminnullu taallanik ajorsaarutinik erinarsorlutik.

Taallaq ajorsaarut

Inuk Kujataaneersoq inullu Ilulissaneerlu ukkusissamik soqqarnillu paarlaaqatigiinnerminni isumaqatigiikkunnaarsimapput.

Illit ukkusissaateqarlutit Kujataaneersuussanerlutit imaluunniit soqqaateqarlutit Ilulissaneersuussanerlutit qinissavat.

Taamanikkut taallami ajorsaarummi oqaatsit atorneqartartut takorloorsinnaasatit tamaasa allattukkit.

Illit allattukkatit:

Inuit inuuniarnerminni piniagassanik pisariaqartitsisimapput. Taamaattumik uumasut sumiinneri naapertorlugu malersortariaqartarpaat. Atuakkami qupperneq 19-mi nunap assingata sermermiut angalalaarfigisartagaat isorartuut takutinneqarput.

Aasakkut kangerlunni aasivimminnut angalasarsimapput.

Tamaani tuttunniartarput, eqalunniartarput nataarnarniartarlutillu.

Aamma aarrinik qilalukkanillu qernertanik sinerissap imartaani pisaqartarput.

Angalaarnerminni inunnik allanik naapitsisarput. Taakku niueqatigisarpaat oqaluttuanillu paarlaaqatigiittarlutik.

• Sermermiut angalasarneranni aqqut sorleq takinersaasimava kilometerinngorlugulu qanoq isorartussuseqarpa?

• Nunaqarfinni naapinnermi suut niuerutigineqartarpat Atuakkami qupperneq 18-mi paasisassarsiorit.

• Sooq aarrit qilalukkallu qernertat piniarlugit immikkut piumaneqartarsimappat?

Inuit Kujataaneersut arferit soqqai piniarlugit navianartorsiorlutik Qeqertarsuup Tunuanut angalasarsimapput. Aalisaatitut atortarpaat, taamaalillutik ukiukkut sikumit qaleralinnik suluppaakkanillu aalisarsinnaaniassagamik.

Ukkusissamik nassartarput, tassami paarlaaqatigiissallugu kajumernaqimmaat.

Ukkusissaq inuit Qeqertarsuup Tunuaneersut qulliliarisinnaasarpaat. Ukiukkut kaperlannerup nalaani piniartilluni nassarlugu iluartarsimaqaat.

Arferit soqqartai 2-4 ukkusissamik 1-mik paarlaanneqarsinnaasimavoq.

Qaleraliup suluppaakkallu assingi uani ujakkit.

• Inuit ukkusissaq suminngaaniit pissarsiarisarsimavaat. Atuakkami quppernermi 21-mi paasisassarsiorit.

• Qulleq ikumatissinnaaniarlugu suna ikummatissatut atorneqartarsimava?

• Qaleraliup suluppaakkallu assinganik ujarlerit. Ikkutikkit imaluunniit titartakkit.

  Illit aalisagaatitit:

Assimi takuneqarsinnaavoq qilaatersorneq inuit-kulturiannut ilaasimasoq pingaarutilik.

Qilaatersorneq nunaqarfimmi assigiinngitsunik arlalinnik siunertaqarsimavoq.

• Qilaatersorneq sumut atorneqartarsimava?
• Iverneq sunaava?

• Kulturini allanni katuaq pingaruteqarsimava?

Aasaanera inuit ungasissumut angalallutik aasisarfimminnukartarput piniagassat piniarniarlugit. Nunap assinga tassaavoq Sermermiut angallavigisartagaannik takutitsisoq. 

Ukiuunerani ukiisarfimminniittarput.

• Nunap assingani suna takutinneqarpa? Atuakkami qupperneq 19-mi aamma takuneqarsinnaavoq.

• Aasaanerani inuit uumasut suut piniartarsimavaat?

• Nunaqarfimmiut imaluunniit ilaqutariit imminnut naapikkaangamit susoqartarpa?

Aalisaatit pingaavissuusimapput alisakkanik natermiunik soorlu qaleralinnik suluppaakkanillu pisaqarsinnaaneq isumannaarsinnaammassuk.

Ukkusissat qulliliat ulluni arlalinni piniarnerni annertuumik iluaqutaasarsimapput. 

• Nunatta sortaani soqqarnik aalisaatiliarineqartartunik peqarsimava?

• Nunatta sortaani qullertut atorneqarsinnaasunik ukkusissaqarsimava?

• Soqqaat qassit ukkusissamik ataatsimik nalinginnaq paarlaanneqartarsimappat?

Assimi takuneqarsinnaavoq qilaatersorneq inuit-kulturiannut ilaasimasoq pingaarutilik.

Qilaatersorneq nunaqarfimmi assigiinngitsunik arlalinnik siunertaqarsimavoq.

• Qilaatersorneq sumut atorneqartarsimava?
• Internettimi “rap battle” ujaruk. Rap battlep ivernerullu akornanni suut assigiippat?

• Soormitaava katuaq inuit upperisarsiorneranni qitiusutut inissisimalersimava?

Aasaanera inuit ungasissumut angalallutik aasisarfimminnukartarput piniagassat piniarniarlugit. Nunap assinga tassaavoq Sermermiut angallavigisartagaannik takutitsisoq. 

Ukiuunerani ukiisarfimminniittarput.

• Nunap assingani suna takutinneqarpa? Atuakkami qupperneq 19-mi aamma takuneqarsinnaavoq.

• Aasaanerani ukiuuneranilu inuit inooriaasianni suna assigiinngissutaava?

• Nunaqarfimmiut imaluunniit ilaqutariit imminnut naapikkaangata aaqqiagiinnginnerit suut pilersinnaasarpat?

Aalisaatit pingaavissuusimapput, tassa aalisakkanik natermiunik soorlu qaleralinnik suluppaakkanillu pisaqarsinnaaneq isumannaarsimammassuk. 

Ukkusissamik qulliliat ulluni arlalinni piniarnerni annertuumik iluaqutaasarsimapput. 

• Arferup soqqai sumut atorneqartarpat?

• Ukkusissaq sunaana?

• Nunatta sortaani arferup soqqaanik peqarsimappat ukkusissarlu suminngaaneersimava?